Slam & Poesies

Libète

Spread the love

Libète

Mwen bouke tandew a distans
M santi kèm lage sou woulib
Paka tandew se yon vyolans
Poum akseptel sa enposib

Vwaw kouvri anba bri katouch
Sonnen pi fò ke klòch katedral
Debri lanmoum genyen plizyè kouch
Mbloke an mòd mesajri vokal

Mwen tande sa gen plis ke twa jou
M pi mal ke yon kè ke yo kidnape
Lidem sou depi Bondye fè jou
Machin folim prèt pou derape

M bezwen’w libète.

M pare poum janbe kawotchou
Jere chimè nan chak kalfou
Tout sak bloke map travèse
Map kreye chimen poum pase

Jwenn ak ou se yon nesesite
Pa gen barikad mwen pap janbe
M konn sam vle sa map cheche
Fom wew anvan solèy kouche

Brave danje pou ou se pa yon foli
Se mwen ki konnen tout sa kèm anvi
Men kwèm sim diw jetèmalafoli
Se paske w ekziste ki fèm anvi

M bezwen’w libète.

M anvi wèw
M anvi pale avèw
M santi kèm plen epi tèt mwen vid
Pankat mwen make aba solitid

M bezwen’w libète.

M anvi wèw
M anvi pale avèw
Yon jou san ou mwen santi map vyeyi
Pou ou pare poum kraze yon peyi

M bezwen’w libète.

 

Gentillon Francklin – Jan 2021

Related posts
LitteratureSlam & Poesies

Libète

Spread the loveMwen bouke tandew a distans M santi kèm lage sou woulib Paka tandew se yon…
Read more
LitteratureSlam & Poesies

Rekonesans

Spread the loveRekonesans Anndan kèm li met yon doum jwa Li te yon wa twòn li te anwo a Pou vye…
Read more
Bulletin d'information
Devenez un fan de Yelo Ayiti

Abonnez-vous au bulletin quotidien  et recevez le meilleur de Yelo Ayiti, adapté à vos besoins.

Leave a Reply

Your email address will not be published. Required fields are marked *