LitteratureSlam & Poesies

Rekonesans

Spread the love

Rekonesans

Anndan kèm li met yon doum jwa
Li te yon wa twòn li te anwo a
Pou vye mwen li desann isi ba
Wout la pat san danje, chemen an te fènwa

Ak lanmou kòm zam, li mennen konba a
Ak san li, li blanchi wòb mwen ènmi an te fè nwa
Li ka difisil pou konprann paradòks sa
Sèl sam konnen, kounya m’ap mache nan viktwa

Depi lè sa pou mwen li toujou la
Lèm diw sa, pa gen danje pou mwen l pap brave
Si l’ te plonje pran m’ nan labou a
Mwen kwè nan kè l, non m’ ap ret grave

Pou lavi, lavi san fen, m rekonesan
Se vre pou sa m pa bay okenn lajan
Men chak pa avèl fèm konn valè chak gout san
E l’ fèm pou li, li fèm vin yon lòt jan

Batri lavi m te konplètman dechaje
Toudenkou, kè m’ tande, zòrey mwen tande
Vini tout moun ki fatige e chaje
San fè lojik, sou li tout chay m depoze

Li kenbe men m’ li mache avè m
Nou te dozado, lamenm nou vin zanmi
Li rele m pa l’ m rele l’ zafè m
M konnen l’ap avè m’ nan prezan e nan fiti

 

Yolanda Seriaque

Related posts
CultureLitterature

Dany Laferrière reçoit le Grand Prix des Ambassadeurs francophones

Spread the love L’académicien Dany Laferrièrea reçu le Grand Prix des Ambassadeurs…
Read more
BiographieLitterature

Qui est Dany LAFERRIÈRE?

Spread the love Né à Port-au-Prince le 13 avril 1953 d’un père intellectuel et homme politique…
Read more
LitteratureSlam & Poesies

Libète

Spread the loveMwen bouke tandew a distans M santi kèm lage sou woulib Paka tandew se yon…
Read more
Bulletin d'information
Devenez un fan de Yelo Ayiti

Abonnez-vous au bulletin quotidien  et recevez le meilleur de Yelo Ayiti, adapté à vos besoins.

Leave a Reply

Your email address will not be published. Required fields are marked *